Opning av verkstad på Joen
Mor mi, Kari Jensen, opna den nye verkstaden sin heime på Joen i Dale i Sunnfjord 14. november. Tidlegare brukte ho brakka på tunet som verkstad, medan den nye er ein oppussa sauefjøs, som no fungerer som arbeidsplass og galleri.
Ho stilte ut sokkar og pledd medan eg stilte ut nokre fotografi frå Dale og nokre frå Bergen. Magni Jensen stilte ut keramikk, Vidar Jensen stilte ut trearbeid, Geir Hjetland stilte ut skulpturar og Vilde Jensen Hjetland stilte ut tekstilsmykker.
